Unlabel.is

Sápan.is

Í Janúar 2009 ákvað Ólafur Árni Halldórsson að leggja í framleiðslu á sápum og selja þær til almennings. Hann fór rólega af stað á eigin kennitölu en kallaði alltaf reksturinn „Sápan“ og þannig var líka hausinn á öllu efni s.s. reikningum, bréfum og öðru sem hafa þurfti. Árið 2014 var orðið talsvert umfang á rekstrinum svo ákveðið var að hann fengi eigin kennitölu og var þá stofnað einkahlutafélagið Sápan ehf.

Fyrst í stað voru aðeins framleiddar sápur enda hafði Ólafur sjálfur reynt það á eigin skinni að vera lagður inn á sjúkrahús, þegar hann var við nám í Bandaríkjunum, vegna ofnæmis sem ljóst þótti að stafaði af efnum í sápu. Framleiðsluvörum hefur fjölgað jafnt og þétt í áranna rás og framleiðir Sápan nú auk margra gerða af sápum, sjampó, baðsölt, baðbombur, hreinsiefni og handspritt. Þá eru ávallt nokkrar vörur í þróun og væntanlegar hjá fyrirtækinu. Þannig er líka fyrirtækið í stöðugri þróun og breytingum eftir aðstæðum á hverjum tíma.

facebook.png
instagram.png
pinterest.png
twitter.png